في اليوم العالمي للتليفزيون ليلي علوي تستعرض أهم أعمالها التليفزيونية “التوأمان”

كتبت_سماح السيد

استعرضت الفنانة ليلي علوي في اليوم العالمي للتليفزيون أهم أعمالها التليفزيونية “التوأمان” وعلقت علي البوست الذي ضم أهم صور العمل قائلة ” زي ما كان مسلسل التوأم بيحكي عن اختين توأم مولودين ف نفس اللحظة وملامحهم نفس الملامح بالظبط لكن روحهم وافكارهم واهتماماتهم الضد تمامًا ، كان كمان بيحكي عن الخير والشر والابيض والاسود والحب والكره اللي جوّه كل واحد فينا. كل واحد فينا بير مقفول على أسرار كتير .. جواه كل حاجة وكل القيم والمعاني والأفكار الإيجابية والسلبية كمان .. لكن دايمًا احنا اللي بنختار نستسلم لإيه ونصدّق ونتعامل مع نفسنا ومع اللي حوالينا ازاي وبأنهي وِش.. تهاني وعزيزة ممكن يكونوا أختين متضادتين ف كل حاجة لكن كمان ممكن يكون جوه كل واحد فينا تهاني وعزيزة مع بعض .. مسلسل التوأم كان حقيقي من أحب أعمالي التلفزيونية لقلبي واللي قربني من جمهور التلفزيون بشكل كبير جدًا وقت عرضه مين فاكر الأحداث وتفتكروا تهاني تستاهل المصير اللي وصلتله ف النهاية؟ “