سيب الايام والمواقف هي اللي تحكم
كتبت:مني خليل
من فتره كنت بتكلم عن شخص اذاني جدا ف حياتي، فاللي بتكلم معاه سألني: بس انت ف ايدك تنتقم انتقام ليه رافض؟
لقيتني بقولها بكل حرقة ان بالنسبالي أعظم انتقام تنتقمه من شخص هو انك تسيبله ذكريات حلوة وصادقة مش العكس .. انك تخلصله وتديله من روحك عشان كل م ياذيه حد بعدك يحس بالذنب تجاهك ويفتكر صدقك ويتحسر على خسارته ليك ولحبك .
الانتقام بالشر سهل جدا لكن الانتقام بالصدق والاخلاص والحنية بيخلي عدوك مهما لف ودار يحن لوجودك ويحس طول عمره بالاسف ع خسارتك ويجيلك يتمنى بس انك ترد عليه يلاقيكي نسيتيه اصلا.
