الانسان الطيب الي بيعرف يقول ” متزعلش ” و “وماتخافش انا جمبك خلي بالك علي نفسك ” وطمني عليك وكل الكلام اللي كله طيبه ده الي بيمسح علي كتفك وراسك ,, واما يشوفك بتعيط ياخدك في حضنه ويواسيك ,, اللي دايما يقولك ” في ايه مالك” .. ” احكي براحه بس “. اهدااا .” ماحصلش حاجه. كله هيعدي المهم انك بخير.
الانسان ده بجد نعمه من ربنا وانت تملي بتقوي بيه.
مش اي حد عنده القدره دي ,, في ناس عندهم جمود وغباء تجاه الآخرين حتي لو متأثرين من جواهم.
مبيعرفوش يطبطبوا ,, مبيعرفوش يهونوا ,, او يسمعوا .
مبيعرفوش يخترقوا الحزن والهم اللي فوق الروح ويخولك تحكي وتتكلم وتطمن ,,
الحنيه دي حاجه كده بتتخلق مع الانسان زي صوته وشكله ولونه وبتكبر معاه.
