كتبت:مني خليل
بين أتنين سواء صداقة أو حب .. معرفش إزاي يكون في أتنين بيحبو بعض و بيعشقو كل تفاصيل بعض و تلاقيهم فجأءة عملوا لبعض بلوك !!!
طيب ليه !! …….
و عشان ايه!!
إزاي بالسهولة دي تقدر تقسي و تجمد قلبك علي حد ساكن قلبك أو حد هو في الاساس قلبك … طب هي مشاعرنا بقت رخيصة و سهلة أوى أنها تتداس و تنتهي بضغطة زرار في لوحة مفاتيح موبايلك و تعمل بلوك
كدة أنت خلاص نسيته ياعنى ….!!!
كدة أنت خلاص محيته من حياتك ….!!!
طب يا تري هتقدر تعمله بلوك من قلبك ومن ذكرياتك ومن مشاعرك و من إحساسك بنفس السهولة اللى عملتله
بيها بلوك علي موبايلك …. !!! هتقدر تعمل بلوك لمشاعرك اللي عمرك ما حسيت بيها غير لما عرفته وحبيته … !!
هتقدر تعمل بلوك لدقة قلبك وفرحت قلبك اللي عشتها لاول مره في وجوده وهو معاك وف حياتك
هتقدر تعمل بلوك لعنيه اللي أنت شايفها قصادك طول الوقت و حافظ كل نظرة فيهم معناها ايه … !!!
هتقدر تعمل بلوك لصوت ضحكته وابتسامته اللي مابتفارقش خيالك و كانت بتنور دنيتك … !!!
هتقدر تعمل بلوك لكل الذكريات اللي هتهاجم قلبك …!!!
إزاي هتقدر تاخد الخطوة دي وتعذبه وتوجعه في
كل لحظة بالتصرف المهين دة … !!
إزاي و بعد ما عشت كل المشاعر الحلوة دي مع شخص … فجأءة تعمله بلوك ….. !!!! مش قادرة أستوعب التحول الفظيع دة في العلاقة ممكن يكون ليه و عشان ايه … معتقدش ان في حد بيحب يقدر يوجع حبيبه او يأذيه و يعمل فيه كدة …
بلاش البعد يكون نهايته بلوك .
