اللي مزعلك الكرم الكبير والبذخ في عطاءك
كتبت:مني خليل
مش مزعلك بعدهم ولا غيابهم ، ولا قرارتهم اللي بتجرح ولا تصرفاتهم اللي تهدم وتهد وتوجع …اللي مزعلك هو عمرك وأيامك اللي راحت على أشخاص ماخدوش محبتك على محمل الجد .
انت اللي مزعلك “طيبتك ” و “جدعنتك ” وتفانيك في العلاقة لآخر نفس … اللي مزعلك تربيتك النضيفة ومعدنك اللي بتعتبرهم سبب في أزمتك معاهم اللي مزعلك ” ثقتك ” اللي ما طلعتش في محلها ، العشم اللي عيشته بحذافيره.
اللي مزعلك الكرم الكبير والبذخ في عطاءك اللي اتقابل بالخسة والقسوة والنكران اللي مزعلك مش حد معين ولا مجموعة بنى ادمين .
انت مش زعلان من حد ولا على حد .
انت زعلان من نفسك .
اللي مزعلك هو ” نفسك ” .وبس
