بلاش تكون غلبان يابني ومش فاهم مين يابنى قالك الميت مات واندفن
كتبت:مني خليل
طب وحياتك يا ابنى ياما ناس كتيره ماتت ومدخلتش الكفن
ناس ماتت لما اتخانت
واتباعت من غير تمن
ناس ماتت بالحيا
لما شافت قلة حيا
وشافت عملها الطيب
ف ناس واطيه اتمحى
واتقال لها مالك انتى
ولا جنس حاجه عملتى
وكل طيب عملته
اتمحى واندفن
واتردلها بسوء
وجليطه وقلة ذوق
وأدينا ياابنى بندوق
ولسه ياما هندوق
من قليل الضمير
وقلة الذوق و الأدب
والعتب كل العتب
عاللى كان يوم السبب
ف كسر قلب طيب
ياما مات عشان غيره
وغيره عاش وراق
على حساب اللى مات
يابنى بالحيا خلينا نتفرج ونشبع فرجه علي الظلم لما يتحط علينا بسبب او من غير سبب كل ظالم وله يوم اهدا يابني ده الزمان دوار بكره جي مش بعيد وبعدها نتفرج علي الناقص اي يحصله بكره خالك يجلينا بالسلامه وكل حاجه مسيرها تصلح اهدا يابني ده عشمي ف ربنا كبير خليهم يعيشوا يومين من نفسهم وبكره نقعد نتفرج عليهم وهما بيدوءوا من نفس الكاس ده الزمن دوار يابني.
