سهله اوى ولا يهمك اعمل الخطوات دي بالظبط

1. اتجاهل الشخص لما يكون محتاجلك وبيكلمك علشان يخرج من اللي هو فيه….

2. قلّل من كل حاجة بيحس بيها معاك وافتعل اي مشكلة معاه وسيبه لدماغه….

3. اتريّق على مشاعره عشان هو حساس أوي والكلمه بتوجعه ومش بيقدر يتخطاها بسهوله ممكن لا ياكل ولا يشرب بالأيام علشان حس منك انك كنت قاصد توجعه بالكلام في عز ماكان محتاجك….

4. خليك دايمًا صح حتى لو غلطان وفيك كل العبر…

5. خد حبّه واهتمامه كأنه حق مكتسب وحط رجل علي رجل جوه العلاقة وارمى عليه المجهود كله واقعد اتفرج ازاي هيحافظ علي العلاقه دي وهيفضل يقدم في تنازلات قد ايه ولامتي علشان يرضيك….

6. لما يزعل قول هو بيعمل دراما او انت غاوي نكد…

7. متعتذرش حتى لو جرحت واقنعه طول الوقت ان هو اللي غلطان وفيه حاجه غلط شككه في نفسه لحد ماتوصله لحالة انه ينهار ويقول هو كان فاضل ايه تاني علشان اعمله وماعملتوش علشان مخسروش…

8. وخليك غامض ومتريحوش في اى تفاصيل عنك سيبه يخبط دماغه في الحيط ودي كفايه إنك بس تسيبه لدماغه…

النتيجة؟

هتخسر حد كان ممكن يبيع الدنيا كلها علشان يفضل جنبك طول العمر وكان مستعد يموت علشانك

حد لو عشت عمرك كله عمرك ماهتعرف تلاقي زيه تاني.