الدكتورة ايمان الشربيني “تمرين ولا تنمّر” 

كثير من الأطفال والمراهقين بيكون عندهم طاقة كبيرة ما بيعرفوش يخرجوها بشكل سليم، وده بيخلي بعضهم يلجأ للتنمر أو الشجار مع الآخرين.

الحل بسيط وفعال: الرياضة.

التمارين الرياضية مش بس بتقوي الجسم، لكنها كمان بتساعد الطفل يفرغ طاقته الزايدة ويهدّي أعصابه. ومن أهم التمارين اللي ممكن يمارسها يوميًا:

القفز بالحبل: بيحرق الطاقة بسرعة وبيحسّن اللياقة.

الجري السريع لمسافات قصيرة: بيساعد على إخراج الشحنات السلبية.

تمارين الضغط والتنفس العميق: بتقوي الجسم وتهدي الأعصاب.

الألعاب الجماعية زي كرة القدم أو السلة: بتعلّم التعاون وتبعد الطفل عن السلوك العدواني.

المطلوب : الطاقة لو ما اتوجهتش صح هتتحول لعنف أو غضب، لكن الرياضة بتخليها قوة إيجابية وشخصية متزنة.

علشان كده دايمًا نقول: “تمرين ولا تنمّر”